टी-२० विश्वकप छनोट
२३ बलमा ३२ रन बनाउँदै पेभेलियन फर्किए आसिफ शेख
बुधबार, २० मङ्सिर २०८०, १५ : ५३
काठमाडौँ । टी—२० विश्वकप छनोट क्रिकेट प्रतियोगिताको मंगलबारको खेलमा मलेसियाबाट पाएको एक सय ६६ रनको लक्ष्य पछ्याउँदै जवाफी ब्याटिङमा ओर्लिएको घरेलु टोली नेपालले आफ्नो दोस्रो विकेट गुमाएको छ ।
नेपालले दोस्रो विकेटका रुपमा आसिफ शेखलाई गुमाएको हो । उनी ३२ रन बनाउँदै पेभेलियन फर्किएका हुन् । उनले २३ बलको सामना गरी दुई छक्का र एक चौका पनि हिर्काए । विकेटकिपर ब्याट्सम्यान आसिफलाई मलेसियाका बलर मुहम्मद आमिरले आफ्नै बलमा आफेले क्याच गरेका थिए । उनी आउट हुँदा नेपालले ११.४ ओभरमा एक सय १६ रन बनाएको छ ।