भक्तपुरमा लागिसक्यो तिहार, धमाधम बन्दैछन् माटोका पाला, तस्बिरहरू

एक्सक्लुसिभ स्टोरी Unicode Converter

युनिकोड

मिति रूपान्तरण

आइतबार, ०६ असोज २०८१

ताजा

ताजा
लोकप्रिय

२४ घन्टाका ताजा अपडेट

तिहार

भक्तपुरमा लागिसक्यो तिहार, धमाधम बन्दैछन् माटोका पाला, तस्बिरहरू

सुवास श्रेष्ठ

बुधबार, २० मङ्सिर २०८०

काठमाडौँ । तिहार आउन अझै एक हप्ताभन्दा बढी बाँकी छ । तर भक्तपुरका प्रजापति समुदायलाई भने तिहार लागिसकेको छ ।

तिहारको समयमा प्रयोग हुने माटोको दियो र पाला बनाउन अहिले यहाँका प्रजापति समुदाय खटिइरहेका छन् । भक्तपुरकै अन्य स्थान बोलाछेँ, ठिमी, ब्यासीमा पनि माटोको भाँडा बनाइने भए पनि सम्पदा सूचीमा सूचीकृत भक्तपुर दरबार क्षेत्रमा पर्ने पोटरी स्क्वायरमा मानिसहरू पुग्ने गरेका छन् ।

तिहारका लागि अधिक माग हुने दियो र पाला बनाउनलाई अहिले यहाँका कुमालेहरू निकै व्यस्त छन् । उनीहरूका अनुसार एक जनाले तिहारको समयमा पाला बनाएर ५० देखि ६० हजार रुपैयाँसम्म कमाउन सक्छन् । त्यसैले उनीहरूको ध्यान दियो र पाला बनाउन मै केन्द्रित हुने गरेको छ ।

तिहारको समयमा माटाका पालाको व्यापार धेरै हुने गरेको छ । त्यसबाहेक पनि अम्बरा, धुपौरो, गमला, सुराई, कालिञ्चा, खुत्रुके लगायतका सामानको माग पनि बढी नै हुनेगर्छ । माटाको भाँडाको माग घटेको भन्दापनि माटो नपाउने समस्या ठुलो भएको कुमालेहरू बताउँछन् ।