काठमाडौँ । नेपाल स्टक एक्सचेञ्ज (नेप्से)मा आजपनि गिरावट आएको छ । हिजो मंगलबार १४ अंकले घटेको सेयर सूचक आज ५ अंकले घटेको हो । यससँगै, आज परिसूचक १८५८ अंकमा आएर रोकिएको छ ।

०.३१ प्रतिशतले परिसूचक घट्दा आज ८१ करोड २० लाख रुपैयाँ बराबरको ३३ लाख ६४ हजार कित्ता सेयर किनबेच भएको छ । हिजो नेप्सेमा ५७ करोड १४ लाख रुपैयाँको सेयर कारोबार भएको थियो । यसक्रममा ६८ कम्पनीको सेयर मूल्य भने बढेको छ । तर, १६२ कम्पनीको सेयर मूल्य घट्दा ८ कम्पनीको भने स्थिर कायम भएको छ ।

परिसूचक ५ अंकले घट्दा लगानी समूहमा ०.०५ अंकको सुधार आएको छ । यसबाहेक सबै समूहमा गिरावट आएको छ । उत्पादनमूलक समूहमा ४८ अंकको गिरावट आउँदा निर्जीवन बीमा समूहमा ३५ अंक र जीवन बीमा समूहमा ३८ अंकको गिरावट आएको छ ।