काठमाडौँ । नेकपा (माओवादी केन्द्र)का प्रवक्ता अग्निप्रसाद सापकोटाले संक्रमणकालसम्बन्धी विधेयक संसद्को हिउँदे अधिवेशनबाट पारित गर्नेगरी दलहरूबीच सहमति भएको बताएका छन् । बिहीबार नियमित पत्रकार सम्मेलनमा बोल्दै उनले टीआरसी विधेयक संसदीय समितिमा छलफल भइरहेको भन्दै उनले हिउँदे अधिवेशनमा संसदबाट पारित हुने बताएका हुन् । 

‘शान्ति प्रक्रिया अहिले महत्त्वपूर्ण विषय हो । यसलाई टुंग्याउन शीर्ष नेताहरूसँग छलफल भइरहेको छ । टीआरसी विधेयक अहिले संसदीय समितिमा छलफल भइरहेको छ । हिउँदे अधिवेशनबाट पारित गर्न दलहरूबीच सहमति भएको छ’, उनले भने । 

हिउँदे अधिवेशन बोलाउनकै लागि सरकारले संसद्को अधिवेशन अन्त्य गर्ने निर्णय गरेको उनले बताए । सहमितमै शान्ति प्रक्रिया टुंग्याउनु दलहरूको दायित्व भएको उनको भनाइ छ ।

याे पनि

युएनका महासचिवको नेपाल भ्रमण विशेष र अर्थपूर्ण छ : माओवादी केन्द्र