मेरो चाहना
मङ्गलबार, ०१ जेठ २०८१, ११ : ०६
अन्धकार हटाउने बनूँ एउटा बत्ती,
कला फैलाउन सकूँ मैले सिकेजति ।
दुर्भावना कतै नहोस् सधैँ होस् उन्नति,
जोड्न सकूँ असल साथी चाहिँदैन सम्पत्ति ।
पानीजस्तै बन्न सकूँ प्यास मेटाउने,
नदीजस्तै बन्न सकूँ लक्ष्य भेटाउने ।
चरीजस्तो उड्न सकूँ स्वतन्त्र बनेर,
गुरुजस्तै बन्न सकूँ ज्ञान सिकाउने ।
आकाशझैँ फराकिलो दिल बोक्न सकूँ,
समाजका विकृतिलाई मैले रोक्न सकूँ ।
दुई आँखामा बाबाआमा मनमा देशको चित्र,
लक्ष्य बनोस् शिखर चुम्ने विचार पवित्र ।
प्राणवायुजस्तै बनूँ सबको प्राण भने,
कर्म बनोस् दुःखीजनको उपकार गर्ने ।
जीवनमा यस्तो धन कमाउन सकूँ,
सबैलाई माया गरी रमाउन सकूँ ।
कक्षा : ९ ‘ग’
फ्लोरोसेन्ट माध्यमिक विद्यालय
बानियाँटार,काठमाडौँ