मुम्बई । डिसेम्बर १ मा रिलिज हुन लागेको फिल्म ‘एनिमल’ रणवीर कपुरको करियरको सबैभन्दा लामो फिल्म हुनेछ । ३ घण्टा २१ मिनेट लामो यो फिल्मलाई निर्देशक सन्दीप रेड्डी वांगाले निर्देशन गरेका हुन् । 

फिल्ममा एक्शन, इमोशन, ड्रामा र बदला सबै कुरा छ। फिल्मको ओटीटी संस्करण झनै लामो हुने भनिएको छ । सिनेमा हलको संस्करणभन्दा ३० मिनेटको विस्तारित फुटेज हुने बताइएको छ । ओटीटीमा समयको बन्देज नभएकाले दर्शकमा पनि फिल्मप्रति निकै चासो छ । यस्तो अवस्थामा निर्माताहरुले यस्तो निर्णय गरेका हुन् ।

यसअघि फिल्मको लामो समयको बारेमा कुरा गर्दै रणवीर कपुरले भनेका थिए, ‘फिल्मको कथा दर्शकसम्म पुग्न धेरै समय चाहिन्छ। जब हामीले यसको पहिलो कट देख्यौं, यो ३ घण्टा ४९ मिनेट लामो थियो तर हामी सबैले मजा लियौं। म दर्शकहरूलाई यति मात्र भन्न सक्छु कि यसको रनटाइम हेरे पछि भ्रममा नपर्नुहोस्। फिल्म हेर्नुहोस् र मनोरञ्जन गर्नुहोस्।’

‘एनिमल’का निर्माताले सुरुमा फिल्मलाई पूर्ण रनटाइम र दुई अन्तराल बिना सम्पादन गर्दै रिलिज गर्न लागेका थिए । तर, पछि उनीहरूलाई यो जोखिमपूर्ण लाग्यो र निर्माताहरूले फिल्मलाई सम्पादन गरे र ३ घण्टा २१ मिनेटको थिएटर संस्करणलाई अन्तिम रूप दिए।