महोत्तरीमा हत्या गरिएको अवस्थामा एक युवकको शव फेला
शनिबार, २८ भदौ २०७६, १६ : १५
१
जनकपुर । महोत्तरीमा एक युवकको शव फेला परेको छ ।
शनिबार महोत्तरीको एकडारा गाँउपालिका –२ बस्ने १७ वर्षीय विकेश बैठाको घाँटी थिची निर्ममतापूर्वक हत्या गरिएको अवस्थामा शब फेला परेको प्रहरीले जनाएको हो ।
मृत विकेशको टाउकोमा समेत धारिलो हतियार प्रहार गरी हत्या गरिएको हुनसक्ने अनुमान लगाएको छ । महोत्तरीका प्रहरी उपरीक्षक शयामकृष्ण अधिकारीले सो घटनाबारे थप अनुसन्धान भइरहेको जानकारी दिए ।
विकेशको शवको पोस्टमार्टम गर्न जलेश्वरस्थित जिल्ला अस्पतालमा पठाइएको बताए ।
यता परिवारजनका अनुसार छोरा विकेश राती ८ बजेदेखि बेपत्ता भएको जनाएको छ । छोरा विकेशको खोजी गर्ने क्रममा विहान ८ बजेको समयमा घर नजिकैको एउटा खेतमा मृत फेला परेको उनको बुबा राजकिशोर बैठाले जनाए ।