गण्डकी मेडिकल कलेजका विद्यार्थी पनि आन्दोलनमा
बुधबार, ०१ असोज २०७६, २१ : २५
काठमाडौं – गण्डकी मेडिकल कलेजका विद्यार्थीहरु आन्दोलनमा उत्रिएका छन् । मेडिकल कलेजले शिक्षाका नाममा लाखौ रुपैया अबैध असुलेको भन्दै उनीहरुले आन्दोलन थालेका हुन् ।
आइओएमले तोकेको शूल्क भन्दा लाखौ बढी अबैध रुपमा मेडिकल कलेजहरुले असुली गरिरहेको भन्दै केही दिनदेखि चिकित्सा शिक्षा संघर्ष समितिको नाममा स्वतन्त्र विद्यार्थी युनियनले महाराजगञ्ज मेडिकल कलेजको नेतृत्वमा चितवन मेडिकल कलेजमा आन्दोलन हुँदै आएको थियो ।
बुधबार गण्डकी मेडिकल कलेजका विद्यार्थीले र्यालि निकाली मेडिकल शिक्षाका नाममा अबैध रुपमा लिइएको लाखौ रुपैया फिर्ता गर्नु पर्ने माग गरे हुन् ।
देशै भरका मेडिकल कलेजले सरकारले तोके भन्दा १२ देखि १५ लाखभन्दा बढी असुल्ने गरेको विद्यार्थीहरुको आरोप छ ।