कही नभएको जात्रा हाडी गाउँमा (फोटोफिचर)
काठमाडौं – हरेक वर्ष कोजाग्रत पूर्णिमाको भोलिपल्टबाट सुरु हुन्छ, कहीं नभएको जात्रा हाडीगाउँमा । यस वर्ष पनि सोमबारबाट उक्त जात्रा सुरु भएको छ ।
यो जात्रा तीन दिनसम्म मनाउने गरिन्छ। जात्रामा ब्रम्हा, विष्णु र महेश्वरको छुट्टाछुट्टै खट यात्रा गरिन्छ ।
जसलाई स्थानीय भाषामा चोक्ते नारायणको जात्रा पनि भनिन्छ । जात्राका लागि कोजाग्रत पूर्णिमामा स्थानीय गुठीयार शिवपुरी ध्यानमग्न विष्णुको आत्मा लिन बासबारीमा राती जाग्राम बस्ने प्रचलन छ ।
जात्रा गरिएको खटको टुप्पोमा हिमालको प्रतीकका रुपमा बेतको गोलाकार चक्कालाई सेतो कपडाले बेरिएको छ । बीच भागमा पृथ्वीको प्रतीकका रुपमा घुमाउन मिल्ने गरी बास र बेतले कलात्मक ढंगले मन्दिर बनाइएको छ ।
जसको माथिपट्टि पृथ्वीको श्रृष्टि फूलका बगैंचाका रुपमा फूलैफूलले सजाइएको छ । सर्वसाधारणले पूजाआजा गर्दा मन्दिरको देवतालाई नभई गजुरलाई गर्छन् ।