यामाहाको नयाँ ‘एफजी २५ स्ट्रिट फाइटर सार्वजनिक, यस्ता छन् बिषेशता
काठमाडौं–यामाहा बाइक तथा स्कुटको नेपालका लागि आधिकारिक विक्रेता एमडब्लु इन्टप्राइजेजले आफ्नो लोकप्रिय एफजी सिरिजमा बहुप्रतिक्षित बाइक ‘एफजी २५’ नेपाली बजारमा सार्वजनिक गरेको छ । कम्पनीले बुधबार साँझ राजधानीमा भब्य कार्यक्रमकावीच यो वाइक सार्वजनिक गरेको हो ।
अत्याधुनिक फ्युल इन्जेक्सन प्रविधि रहेको एफजी २५ वाइकमा एय कुल्ड वीथ आयल कुलर, ४ स्ट्रोक, एसओएचसी, २ भल्भ, सिंगल सिलिण्डर भएको २४९ सीसीको शक्तिशाली इन्जिन रहेको छ ।
यो बाइकको वजन एक सय ४८ केजी छ भने अत्याधुनिक विषेशताका कारण एफजी २५ वाइकलाई ‘एफजी वल्र्ड’ को पावरफुल, मिड–क्लास, स्ट्रिट फाइटर’ बनाएको छ । नेपाली सडक सुहाउँदो स्ट्रिट फाइटरले अधिकतम माइलेज दिने र यो वातावणमैत्री रहेको कम्पनीले जनाएको छ । यो वाइक २० देखि ३५ बर्षसम्मका राइडरलाई आकर्षित गर्न सक्ने भएको पनि कम्पनीले जनाएको छ ।
कम्पनीका अनुसार सार्वजनिक गरिएको यो बाइक विभिन्न ३ रंगमा उपलब्ध छ । जसमा ब्यास्टिक ब्लु, वारियर ह्वाइट र नाइट ब्ल्याक छन् । एमडब्लु इन्टरप्राइजेजका अनुसार यो वाइकको मुल्य ३ लाख ४४ हजार ९ सय रुपैयाँ तोकिएको छ ।
जापानी बजारमा सफल स्पोर्टस् बाइकमा प्रयोग हुने २४९ सीसीको विश्वासिलो इन्जिन जडान भएको यो वाइक नेपाली सडक सुहाउँदो ट्युनिङ गरिएको जनाइएको छ । यसमा यामाहाको प्योटेन्टेड ब्लुकोर इन्जिन रहेको छ । जसले वाइकलाई पर्फमेन्स वढाउनुका साथै इन्धन खपतलाई न्युन गर्न सहयोग गर्ने कम्पनीले जनाएको छ । यो वातावरणमैत्री वीएस ४ इमिसन स्ट्याण्डर्डमा निमार्ण गरिएको पनि कम्पनी जनाएको छ ।
८ हजार आरपीएममा २०.९ पीएसको अधिकतम पावर र ६ हजार आरपीएममा २० एनएम पावरको अधिकतम टर्क उत्पादन गर्ने यो वाइकमा एएचओ (अल टाइक हडलाइट अन) प्रविधिको लिड हेडलाइट रहेको छ । जुन २५० सीसीको वाइकमा पहिलो भएको कम्पनीले जनाएको छ ।
यामाहाले सन् २००८ मा निक्कै रुचाइएको एफजी सिरिज बजारमा ल्याएको थियो । यो नेपालमा मात्र नभई दक्षिण एसियामा चर्चित सिरिजका रुपमा रहेकाले यामाहाले डिलक्स सेग्मेन्टवाट प्रिमियम सेग्मेन्टमा पनि एफजीलाई विस्तार गरेको हो । आकर्षक फिचर, स्पोटी लुक र एग्रेसिभ स्टाइल भएको यो यामाहाको नयाँ विकल्पले ग्राहकलाई सन्तुष्ट पार्ने कम्पनीले जनाएको छ । यो युवा राइडप्रति लक्षित रहेको छ ।
एमडब्लु इन्टरप्राइजेजका प्रवन्ध निर्देशक बिष्णुबावु अग्रवालले नेपाली वाइकप्रेमीलाई यो नयाँ वाइक पस्कन पाउँदा आफु खुसी भएको बताए । यस्तै, कम्पनीका सहमहाप्रवन्धक दिपक रौनियारले नयाँ बाइक पावर, कन्ट्रोल र ब्यालेन्सको समिश्रण रहेको बताए । यो बाइक दैनिक प्रयोजनका लागि उपयुक्त रहेको जनाइएको छ ।
कम्पनीले यो वाइकको टेस्ट राइड गर्ने ग्राहकका लागि आकर्षक उपहारको योजना पनि ल्याएको छ । सिमित अवधीका लागि सञ्चालन हुने यो योजनामा यामाहाको नयाँ बाइकको टेस्ट राइड गर्नेले एप्पलको म्याकबुक जित्ने मौका पाउने जनाइएको छ ।