सिन्धुपाल्चोक बस दुर्घटना अपडेटः ४ जनाको मृत्यु, १५ जनाको उद्दार
आइतबार, १७ कात्तिक २०७६, १४ : ३२
काठमाडौँ । सिन्धुपाल्चोकको सुकुटेमा आइतबार बस दुर्घटना हुँदा ४ जनाको मृत्यु भएको छ । यस्तै १५ जनाको उद्दार गरेर एम्बुलुन्समार्फत अस्पताल पठाइएको सिन्धुपाल्चोककी प्रमुख जिल्ला अधिकारी गोमादेवी चेम्जोङले जानकारी दिइन् ।
अहिले पनि घटनास्थलमा उद्दार कार्य जारी रहेको छ भने दुर्घटनाको प्रकृति हेर्दा मृतकको संख्या बढ्न सक्ने देखिएको छ ।
दोलखाको मागा देउरालीबाट काठमाडौँ आउँदै गरेको बा २ ख ७२४५ नम्वरको यात्रुबाहक बस सिन्धुपाल्चोकको सुकुटेमा दुर्घटना हो ।
स्थानीयले बस सुनकोसी नदीमा खसेको बनाएका छन् । अहिले घटनास्थलमा प्रहरीसहित स्थानीयले उद्दारकार्य जारी राखेका छन् ।
बस सडकबाट करिब सय मिटर तल खसेकाे छ ।