म्याग्दीमा मिनी माइक्रो बस दुर्घटना हुँदा ४ जनाको मृत्यु
आइतबार, १७ कात्तिक २०७६, २१ : ००
म्याग्दी — म्याग्दीको मालिका गाउँपालिका–७ बिममा आइतबार साँझ सवारी दुर्घटनामा परि ४ जनाको मृत्यु भएको छ । यस्तै १५ जना घाइते भएका छन् ।
मालिका गाउँपालिका केन्द्र दरबाङबाट यात्रु लिएर गाउतिर गएको ग १ ज ४४७६ नम्बरको मिनी माइक्रो बस सडकबाट तल खस्दा सवार ४ यात्रुको घटनास्थलमै मृत्यु भएको हो ।
प्रहरीका अनुासर ४ जनाको मृत्यु भएपनि पहिचान भइसकेको छैन । १५ जना घाइतेलाई प्राथमिक स्वास्थ्य केन्द्र दरबाङ पुर्याइएको छ ।