उपनिर्वाचनः धुलिखेल नगरपालिका–२ मा ४ जनाको उम्मेदवारी दर्ता
बुधबार, २७ कात्तिक २०७६, १५ : २३
काभ्रे । मंसिर १४ गते हुन लागेको उपनिर्वाचनका लागि धुलिखेल नगरपालिका वडा नम्बर २ को वडाध्यक्षका लागि ४ जनाले मनोनयन पत्र दर्ता गराएका छन् ।
जिल्ला निर्वाचन कार्यालय काभ्रेका प्रमुख उमेश राईले दिएको जानकारीअनुसार नेकपाबाट देव प्रसाद कोइराला, नेपाली काङ्ग्रेसबाट दर्न बहादुर खत्री, राजपा नेपालबाट कृष्ण बहादुर तामाङ र राप्रपा संयुक्तबाट बासुदेव थापाले उम्मेदवारी दर्ता गराएका छन् ।
उपनिर्वाचनका लागि स्थानीय तहतर्फ आयोगले बुधबार उम्मेदवारी दर्ताको मिति तोकेको थियो ।