अजोड इन्स्योरेन्स र एनआइसी एशिया बैंकले अनलाइन भुक्तानी सेवा प्रदान गर्ने
मङ्गलबार, १७ मङ्सिर २०७६, १९ : ००
काठमाडौं– अजोड इन्स्योरेन्स र एन.आई.सी. एशिया बैंक बीच सहकार्य गर्दै अनलाईन भुक्तानी सेवा प्रदान गर्ने सम्बन्धि सम्झौता भएको छ ।
आइतवार आयोजित एक कार्यक्रमका बीच अजोड इन्स्योरेन्सका नायब प्रमुख कार्यकारी अधिकृत सुरेन्द्र थापा र एन.आइ.सी. एशिया बैंकका सहायक प्रमुख कार्यकारी अधिकृत सन्तोष कुमार राठीले सहमतिपत्रमा हस्ताक्षर गरेका हुन् ।
सहमतिसंगै एन.आई.सी. एसिया बैंक लिमिटेडबाट अजोड इन्स्योरेन्स लिमिटेडका सम्पूर्ण ग्राहकहरुले बिमा सम्वन्धी सम्पूर्ण सेवा सुविधा एन.आइ.सी. एशिया बैंकको सबै शाखाबाट लिन सकिने अजोड इन्स्योरेन्सले जनाएको छ ।