साग क्रिकेट फाइनल : श्रीलंकाले दियो बंगलादेशलाई १२३ रनको लक्ष्य
सोमबार, २३ मङ्सिर २०७६, १४ : ५३
काठमाडौँ । दक्षिण एसियाली खेलकुद (साग) अन्तर्गत पुरुष क्रिकेटतर्फ बंगलादेशले उपाधिका लागि १२३ रनको लक्ष्य पाएको छ ।
स्वर्ण पदकका लागि सोमबार बंगलादेश र श्रीलंकाबीच भएको खेलमा बंगलादेशले टस जितेर पहिले फिल्डिङ रोजेपछि श्रीलंकाले सबै विकेट गुमाएर १२२ रनको योगफल तयार पारेको हो ।
श्रीलंकाका लागि शम्मु अशनले २५ रन बनाए । यस्तै, पथुम निस्सङकाले २२ र निशान फर्नान्डोले १६ रन बनाए ।
बंगलादेशका लागि हसन महमुदले तीन र तनवीर हसनले दुई विकेट लिए । त्यस्तै सुमोन खान र मेहदी हसनले एक–एक विकेट हात पारे ।
खेलको विजेताले पुरुष क्रिकेटको स्वर्ण पदक प्राप्त गर्नेछ भने पराजित हुने टिम रजत पदकमा सीमित हुनेछ ।