एक्सक्लुसिभ स्टोरी
युनिकोड
मिति रूपान्तरण
नागरिकता कानून विरोध गर्दा ‘सावधान इन्डिया’ बाट निकालिए अभिनेता सुशान्त सिंह
अभिनेता सुशान्त सिंहले नागरिकता संशोधन विधेयक (सिएए) को विरोध गरेकोमा आफूलाई हिन्दी टिभी शो ‘सावधान इन्डिया’ बाट निकालिएको दाबी गरेका छन् । सुशान्तले मंगलबार बिहान ट्वीट गरेर यसको जानकारी दिए ।
यद्यपि, च्यानलको तर्फबाट अहिलेसम्म यसबारे कुनै आधिकारीक टिप्पणी सार्वजनिक भएको छैन । सुशान्तले सावधान इन्डिया शोलाई सन् २०११ देखि प्रस्तुत गरिरहेका थिए । अहिले यो शो स्टार भारत च्यानलमा प्रसारित भइरहेको छ ।
सुशान्तले मुम्बईमा नागरिकता कानूनविरुद्ध विरोध प्रदर्शनमा भाग लिएका थिए र दिल्लीको जामिया मिलिया इस्लामियामा भएको पुलिसको हिंसाको निन्दा गरेका थिए ।
सुशान्त पछिल्लो थुप्रै वर्षदेखि यो क्राइम शो होस्ट गर्दै आइरहेका थिए । एक व्यक्तिले ट्वीट गरेर उनलाई साँचो बोल्दाको मूल्य चुकाउनुपरेको हो भनेर सोधे । यसबारे अभिनेताले भने, ‘यो निकै सानो मूल्य हो साथी । भगत सिंह, सुखदेव र राजगुरुलाई जवाफ कसरी दिने ?’
And, my stint with Savdhaan India has ended.
— सुशांत सिंह sushant singh سوشانت سنگھ (@sushant_says) December 16, 2019
सुशान्त सिंहको भनाई उद्धृत गर्दै इन्डियन एक्सप्रेसले भनेको छ, ‘म प्रतिभा बेच्छु, आफ्नो विवेक होइन । जब मेरा बालबच्चाले ठूलो भएपछि विद्यार्थीलाई प्रताडित गर्दा तब म के गरिरहेको थिएँ भनेर सोधे मसँग जवाफ हुनुपर्छ ।’
कार्यक्रमसँगको सम्झौता समाप्त गर्नुअघि मलाई कुनै कारण बताइएन । उनले भने, ‘मलाई यस्तो लाग्छ कि यदि यो मेरो कदमको नतिजा हो भने यो निकै सानो मूल्य हो, जुन मैले चुकाउनु पर्यो । जे भएको छ, त्यसले मलाई ठूलै प्रभाव पारेको छ र मैले जे गरेको छु त्यसमा मलाई कुनै पछुतो छैन ।’
A very small price my friend. भगत सिंह, सुखदेव और राजगुरु को जवाब कैसे देंगें?
— सुशांत सिंह sushant singh سوشانت سنگھ (@sushant_says) December 16, 2019
जामियामा प्रदर्शन गरिरहेका विद्यार्थीमाथि पुलिसको बर्बर कारवाहीमा धेरै मानिसहरुले बलिउड कलाकारलाई चुप बसेको भन्ने आरोप लगाइरहेका छन् । के काम नपाउने डरले मानिसहरु मुकदर्शक बनिरहेका छन् भन्ने प्रश्न सोध्दा सुशान्तले भने, ‘म अरुको जिम्मेवारी लिन सक्दिनँ तर मलाई यस्तो लाग्छ कि मसँग आवाज छ भने म बोल्छु नै ।’
उनले भने, ‘यस्तो होइन कि तीमध्ये कसैले पनि बोलिरहेका छैनन् । ऋचा चड्डा, तापसी पन्नु, जिशान अय्युब र अभिनव सिन्हाजस्ताले बोलिरहेका छन् । जसलाई गलत लाग्छ उनीहरुले बोलिरहेका छन् जसलाई लाग्दैन उनीहरु चुप छन् ।’
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
