सागका स्वर्ण पदक विजेतालाई ५१ हजार नगद सहित सम्मान
मङ्गलबार, २२ पुस २०७६, १३ : ०९
सिरहा । १३ औ दक्षिण एसियाली खेलकुद प्रतियोगितामा सिरहाबाट स्वर्ण पदक विजेता खेलाडीलाई सम्मान गरिएको छ । गोलबजार नगरपालिका १० धरमपुरका उसु खेलाडी १९ वर्षीय विजय सिंजालीलाई नगद ५१ हजार नगद सहित दोसल्ला र सम्मानपत्रद्वारा सम्मान गरिएको हो ।
सिंजालीलाई गोलबजार नगरकाका मेयर देवनाथ साह, उपमेयर रेशमकुमारी थापा, प्रमुख प्रशासकीय अधिकृत श्रीधर के.सी.ले सम्मान गरेका हुन् ।
नेपाल आर्मी क्लवबाट १३ औं सागमा सहभागी भएका सिंजालीले उसुतर्फ थाउलोको छानछ्वाङ् पुरुष विधामा स्वर्ण पदक जितेका थिए ।
यसअभि भारतको गुवाहाटीमा भएको १२ औं सागमा उसुमा रजत पदक जितेका सिंजालीले सन् २०१८ मा इन्डोनेसियाको जकार्तामा भएको एसियन खेलकूदमा पनि भाग लिएका थिए ।
पदक जितेपछि गृहनगरले सम्मान गर्दा अझ खेल्ने उर्जा मिलेको सिंजालीले बताए ।