शोभाकान्त ढकालको घरमा बम बिस्फोट गर्ने गोरखाका भट्ट पक्राउ
आइतबार, २६ माघ २०७६, २१ : ५८
काठमाडौ । भूमाफिया शोभाकान्त ढकालको काठमाडौंको ढुंगेधारास्थित नर्सरी चोकमा रहेको घरमा बम विस्फोट गराउने एकजना पक्राउ परेका छन् । महानगरीय अपराध महाशाखाको टोलीले गोरखाका कपिल भट्टलाई पक्राउ गरेको हो ।
भट्ट प्रतिबन्धित विप्लव समूहका गन्डकी प्रदेश ब्यूरो इन्चार्ज हुन् । घटनामा थप सम्लग्न व्यक्तिहरुको खोजी कार्य भैरहेको महाशाखा स्रोतले जनाएको छ ।
ढकाल बालुवाटार जग्गा प्रकरणमा समेत मुछिएका व्यक्ति हुन् । ढकालको घरमा माघ १ गते बम बिस्फोट भएको थियो । सोही दिन बालुवाटारमा पनि बम भेटिएको थियोे ।