आजको मौसम
सोमबार, २७ माघ २०७६, ०७ : ५२
मौसम पूर्वानुमान महाशाखाले आज नेपालमा कुनै पनि मौसमी प्रणाली नभएको जानकारी दिएको छ । सोमबार बिहान जारी गरेको पूर्वानुमानमा महाशाखाले हाल नेपालमा उल्लेखनिय मौसमी प्रणाली नभएको जनाएको हो ।
महाशाखाले जारी गरेको पूर्वानुमानका अनुसार अहिले देशका पश्चिमी पहाडी क्षेत्रमा आंशिक बदली हुने र बाँकी भागमा मौसम सफा रहने उल्लेख छ ।
यसैगरी, सोमबार दिउँसो भने देशको पहाडी क्षेत्रमा आंशिक बदली हुने र बाँकी क्षेत्रमा मौसम सामान्यतया सफा रहनेछ ।
रातिको मौसमबारे महाशाखाले पश्चिमी क्षेत्रमा आंशिक बदली हुने र बाँकी भागमा मौसम सामान्यतया सफा रहने पूर्वानुमान गरेको छ ।