भारतका भी. अनबिटेबल्स अमेरिकाज् गट ट्यालेन्टका बिजेता
‘अमेरिकाज् गट ट्यालेन्टः द च्याम्पियन्स’ मा भारतीय नृत्य समूह भी. अनबिटेलले जीत हासिल गरेका छन् ।
सोमबार आयोजित फिनालेमा भी. अनबिटेबल्सलाई सिजन २ को बिजेतको ताज प्रदान गरियो । ६ हप्ताको उक्त प्रतिस्पर्धामा भी. अनबिटेबलले ४० प्रतिस्पर्धीलाई पछि पार्दै उपाधि आफ्नो पोल्टोमा पारेको हो । निर्णयक साइमन कोवेलले उनीहरुको प्रस्तुतीलाई संसारकै उत्कृष्ट बताएका छन् ।
Prepare to flip out over @v_unbeatable and @travisbarker’s high-energy performance! 🙌 pic.twitter.com/IPVHCwJegx
— America's Got Talent (@AGT) February 18, 2020
२९ जना सदस्य भएको भी. अनबिटेबल मुम्बईको एक डान्स समूह हो । यो समूहले सन् २०१९ मा पनि ‘अमेरिकाज् गट ट्यालेन्स’ मा भाग लिएका थिए । गत वर्ष उनले गेस्ट जज ड्वजेन वेडबाट गोल्डेन बजर पनि पाएका थिए । त्यतिबेला उक्त समूहले चौथो स्थान हासिल गरेको थियो । यसवर्षको ‘अमेरिकाज् गट ट्यालेन्टः द च्याम्पियन्स’ भने उनीहरुले बाजी मारेरै छोडे ।