आइतबारको मौसम कस्तो रहला ?
आइतबार, २५ फागुन २०७६, ०७ : ४९
मौसम पूर्वानुमान महाशाखाले आजको मौसम पूर्वानुमान जारी गरेको छ । महाशाखाका अनुसार हाल नेपालमा स्थानीय वायुको प्रभाव परेको छ ।
महाशाखाले यतिबेला देशको पूर्वी र पश्चिमी पहाडी भेगमा आंशिक बदली भइरहेको जनाएको छ ।
आज दिउँसो भने देशको पूर्वी र पश्चिमी पहाडी क्षेत्रमा आंशिक बदली हुने र बाँकी स्थानमा मौसम सामान्यतया सफा रहने पूर्वानुमानमा उल्लेख छ । यसैगरी, पश्चिमी र पूर्वी भूभागका केही स्थानमा क्षणिक वर्षा हुन सक्ने महाशाखाले जनाएको छ ।
राति भने देशको पहाडी क्षेत्रहरुमा आंशिक बदली हुने र बाँकी स्थानहरुमा मौसम सफा रहने छ ।