अभिनेता एवं डाक्टरको ३६ वर्षको उमेरमा निधन
![अभिनेता एवं डाक्टरको ३६ वर्षको उमेरमा निधन](https://rpcdn.ratopati.com/media/albums/sethuraman_4gyC305Jtq.jpg)
तिमल अभिनेता तथा छाला विशेषज्ञ सेथुरमनको बिहिबार राती चेन्नईमा निधन भएको छ । ३६ वर्षका सेथुरमनको निधन कार्डियक अरेस्टका कारण भएको छ । सेथुरमनको निधनबाट उनका परिवारमात्रै नभई उनका प्रशंसकलगायत फिल्मी उद्योग शोकमग्न छन् ।
सेथुरमन सन् २०१३ मा रिलिज भएको रोमान्टिक कमेडी फिल्म ‘कन्ना लड्डु थिना आना’ का लागि परिचित छन् ।
उनको मृत्युको खबर सोसल मिडियामा सार्वजनिक भएको हो ।
भारतीय मिडियामा सार्वजनिक भएका खबर अनुसार अभिनेतालाई बिहिबार राती ८ बजेर ४५ मिनेटमा कार्डियक अरेस्ट भएको हो । अभिनेता सेथुरमन विवाहित थिए र उनका बालबच्चा पनि छन् ।
साउथ फिल्मका अभिनेता सतिशले ट्वीटरमार्फत् यसबारे जानकारी दिए । उनले लेखेका छन्, ‘अभिनेता सेथुरमनको मृत्युको खबर सुनेर दुःख लाग्यो । उनको केही समय अघि मात्रै कार्डियक अरेस्टका कारण मृत्यु भएको हो ।’
Sad news. Actor and Doctor Sedhuraman passed away few hours ago due to cardiac arrest. My condolences to his family. RIP pic.twitter.com/SIlkfQ1qm2
— Sathish (@actorsathish) March 26, 2020
उनले अभिनेताका परिवारप्रति समवेदना पनि व्यक्त गरे ।
तमिल अभिनेता सेथुरमनले हालै कोभिड–१९ को प्रकोपबारे पनि कुरा गर्दै एउटा भिडियो सार्वजनिक गरेका थिए । ‘कन्ना लड्डु थिन्ना आना’ को सफलतापछि सेतुरामनले अन्य तीन फिल्ममा अभिनय गरे ।