चीनद्वारा ऊहानमा कोरोनासंक्रमित मृतकको संशोधित आँकडा जारी
शुक्रबार, ०५ वैशाख २०७७, १० : ३८
चीनको ऊहान शहरमा संक्रमणका कारण मृत्यु हुनेको संशोधित आँकडा जारी गरिएको छ ।
ऊहान शहरबाटै कोरोनाभाइरस सुरु भएको थियो र त्यसपछि यो संसारभरी फैलियो ।
सुरुमा चीनले ऊहान शहरमा २६ सय ६० को मृत्यु भएको बताएको थियो तर संशोधित आँकडाका अनुसार ऊहानमा १२ सय ९ जना थप व्यक्तिको मृत्यु भएको थियो ।
अर्थात् ऊहानमा मृतकको कूल संख्या ३८ सय ६९ पुगेको छ ।
पछिल्लो आँकडाको तुलनामा नयाँ आँकडा करिब ४५ प्रतिशत बढी छ ।
बीबीसीका रोबिन ब्रेन्टका अनुसार अस्पताल बाहिर मृत्यु भएका र मृतकको जानकारी ढिला गरी आएकाहरुलाई पनि समावेश गर्दा मृतकको संख्यामा बढोत्तरी भएको हो ।