कोरोनाभाइरसः राष्ट्रपति पुटिनले संक्रमितको संख्यामा अत्यधिक वृद्धि भएपछि जारी गरे चेतावनी
बिहीबार, २५ वैशाख २०७७, ०६ : ४६
रुसका राष्ट्रपति पुटिनले कोरोनाभाइरसको बढ्दो संक्रमित भेटिएपछि चिन्ता व्यक्त गरेका छन् ।
पछिल्लो चार दिनदेखि रुसमा कोरोनाभाइरस संक्रमितको संख्यामा अत्यधिक वृद्धि भएको छ ।
हालसम्म रुसमा संक्रमितको संख्या १ लाख ६५ हजारभन्दा बढी छ भने मृतकको संख्या १५ सय ३७ पुगिसकेको छ ।
यद्यपि, यहाँ आवतजावत माथि लागेको रोकको प्रतिबन्ध भने हट्ने भएको छ ।
राष्ट्रिपति पुटिनले लगातार चौथो दिन १० हजार नयाँ संक्रमित भेटिएपछि चेतावनी जारी गरेका छन् । उनले आवतजावतमा प्रतिबन्ध हटाइएपछि मानिसहरुले संयमित भएर काम गर्नुपर्ने बताएका छन् ।