अन्जु र प्रमोदको स्वरमा ’तिम्रो मेरो दिलको बास’
बिहीबार, ०८ जेठ २०७७, ११ : ५८
काठमाडौं – नेपाली आधुनिक सुगम संगीतका चर्चित संगीतकार सन्तोष श्रेष्ठको नयाँ गीत ‘तिम्रो मेरो दिलको बास’ सार्वजनिक भएको छ ।
संगीकार श्रेष्ठकै शब्द, संगीत रहेको यो गीतमा गायक गायिका अन्जु पन्त र प्रमोद खरेलले युगल स्वर भरेका छन् ।
प्रेमका विभिन्न प्रसंग समेटिएको यो संगीतकार श्रेष्ठको शब्द तथा संगीत दुबै एकसाथ रहेको पहिलो गीत हो । कोरोनाको कहरका कारण गीतको भिडियो भने अहिले लिरिकल रुपमा निर्माण गरिएको छ ।
कोरोनाको कहर अनुकुल भएपनि गीतको आकर्षक भिडियो समेत बनाईने संगीतकार श्रेष्ठले बताए । लकडाउनका कारण घरमा रहेकाहरुको बिचलीत मन शान्त पार्न मद्दत गर्ने उदेश्यले गीत सार्वजनिक गरेको श्रेष्ठको भनाई रहेको छ ।