सुदुरपश्चिममा कोरोना संक्रमितको क्रियाशील संख्या २७३ पुग्यो
कैलाली । सुदुरपश्चिम प्रदेशमा एकैदिन थप ६६ जनामा कोभिड–१९ संक्रमित पुष्टि भएपछि क्रियाशील संख्या २७३ पुगेको छ । आज सेती प्रादेशिक अस्पतालको कोभिड–१९ प्रयोगशालामा गरिएको परीक्षणबाट थप ६६ जनामा संक्रमण पोजिटिभ पुष्टि भएपछि प्रदेशमा कोरोना संक्रमित क्रियाशील संख्या २७३ पुगेको हो ।
प्रदेशमा यसअघि नै ५२ जना संक्रमित निको भई घर गइसकेका छन भने २ जना संक्रमितको मृत्यु भइसकेको छ । प्रदेशमा हालसम्म ९०७४ जनाको पिसिआर बिधिबाट परीक्षण गरिएका मध्येबाट ८७४७ जनामा नेगेटिभ आएको सामाजिक बिकास मन्त्रालयका स्वास्थ्य महाशाखा प्रमुख नरेन्द्रसिंह कार्कीले रातोपाटीलाई जानकारी दिए ।
२२१६ जनाको रिपोट आउन बाँकी छ र पोजिटिभ संक्रमितको विभिन्न अस्पतालमा उपचार भइरहेको छ । प्रदेशमा आरडिटी विधिवाट ७१२८५ जनामा परीक्षण गरिएको जनाइएको छ । प्रदेशभरका क्वारेन्टाइनमा अहिले ४२१६४ जना पुरुष र ८७५८ जना महिला रहेको कार्कीले बताए ।