संक्रमितहरुको संख्या बढ्दै गएपछि दक्षिण भारतीय शहर चेन्नईमा फेरि अत्यन्तै कडाइका साथ लकडाउन लगाइने भएको छ । १ करोड ५० लाख जनसंख्या भएको सो शहर तथा उसका आसपासका शहरहरुमा मा अगामी शुक्रबारदेखि लकडाउन लगाइँदैछ ।

तमिलनाडुका मुख्यमन्त्री एडाप्पाडी के पालनीस्वामीले एक वक्तव्य जारी गर्दै भनेको छन् ‘चेन्नई, तिरुभाल्लुर, चेङगालपेट र कान्चिपुरमा जिल्लाहरुमा १९ जुनदेखि पूर्ण लकडाउन हुनेछ ।’

उक्त लकडाउने पूरै जुन महिनाभरि लागु हुनेछ ।

लकडाउनको अवधिभर अटो, ट्याक्सी तथा निजी सवारी साधनहरुलाई आपतकालीन स्वास्थ्य प्रयोजनका लागि मात्रै प्रयोग गर्न अनुमति दिइनेछ । त्यसअवधिमा बैंकहरु ३३ प्रतिशत कर्मचारी राखेर सञ्चालन गरिनेछ । ग्रोसरी पसल, तरकारी बजार, पेट्रोल पम्प तोकिएको समयभरिका लागि मात्रै खोलिनेछ । होटेलहरु पाहुनाहरुलाई छोडेर जाने प्रयोजनका लागि मात्रै खोलिनेछ ।

तमिलनाडुको राजधानी चेन्नई यतिखेर भारतमा महाराष्ट्रपछि सबैभन्दा बढी संक्रमण फैलिएको शहर बनेको छ ।  भारतको यस दक्षिणी शहरमा ४४ हजारभन्दा बढी संक्रमित फेला परेका छन् । गत २४ घण्टायता ३८ जनाको निधन भइसकेको छ । यतिखेर (असार २ गते राति ११ः३० बजेसम्ममा) पूरै भारतभरिमा संक्रमितहरुको संख्या ३,३२,४२४ पुगिसकेको छ । सोही संक्रमणका कारण भारतभरिमा ९,५२० जनाको निधन भइसकेको छ ।

Title Photo: https://images.newindianexpress.com