भारतले चिनियाँ कम्पनीलाई यसरी चोट पु-याउने
बिहीबार, ०४ असार २०७७, ०९ : २१
लद्दाखमा चीन र भारतीय सैनिकबीच भएको हिंस्रक झडपपछि बढ्दो तनावको माहौलमा भारतले चिनियाँ व्यवसायमाथि कडा निति अपनाउने भएको छ ।
द इन्डियन एक्सप्रेसको रिपोर्ट अनुसार चीनको एउटा ठूलो इन्जिनियरिङ कम्पनीले भारतीय रेलवेसँग एउटा ठूलो सम्झौता गुमाउने भएको छ ।
यस्तै टेलिकम विभागले भारत सञ्चार निगम लिमिटेड (बिएसएनएल) लाई चीनमा निर्मित उपकरण प्रयोग नगर्न आदेश दिएको शीर्ष अधिकारीलाई उद्धृत गर्दै स्रोतले बताएको छ ।
‘टेलिकम विभागले बीएसएनएलाई फोरजीका लागि चीनद्वारा निर्मित उपकरण प्रयोग नगर्न भनेको छ,’ शीर्ष सरकारी अधिकारीले भने, ‘टेन्डरको काम पुनः सुरु गरिनेछ ।’
टेलिकम विभागले चीनको उपकरणले नेटवर्कको सुरक्षामा खतरा हुने बताएको छ ।
स्रोतका अनुसार भारतको नेटवर्क अपग्रेड योजनामा चीनको जेडटीई र ह्वावे कम्पनीद्वारा निर्मित उपकरण विवादको कारण बन्न सक्छ ।