सुदूरपश्चिम प्रदेशमा थप ५७ जनामा कोरोना संक्रमण पुष्टि
बुधबार, १० असार २०७७, १५ : १७
सुदूरपश्चिम प्रदेशमा थप ५७ जनामा कोरोनाभाइरस संक्रमण पुष्टि भएको छ ।
बुधबार सेती प्रादेशिक अस्पतालस्थित प्रयोगशालामा गरिएको परीक्षण बाट ५७ जनामा पुष्टि भएको हो ।
पुष्टि भएका मध्ये ३२ जना कैलालीको गोदावरी नगरपालिका र २५ जना लम्की चुहा नगरपालिकाका रहेको सेती प्रादेशिक अस्पतालका सूचना अधिकारी दीलिप श्रेष्ठले जानकारी दिए ।
समग्र जिल्लाको चेकजाँच गरिएपनि आज कैलाली जिल्लाका नागरिकमा मात्र संक्रमण पुष्टि भएको उनले बताए । संक्रमितमा १० महिला र ४७ पुरुष भएको उनले बताए ।