आफ्नै संगठनको निर्णयप्रति जसपाले जनायो आपत्ति
जनता समाजवादी पार्टी नेपाल (जसपा)ले अमेरिकी सहयोग मेलेनियम च्यालेन्ज कर्पोरेशन (एमसीसी) को बारेमा आफ्ना भातृसंगठन प्रवास विशेष प्रदेश समितिले निकालेको निष्कर्षप्रति आपत्ति जनाएको छ ।
प्रवास कमिटीले तीन सदस्यीय एक कार्यदल गठन गरी एमसीसीको बारेमा अध्ययन गरेर पार्टी र सरकारलाई पनि बुझाएको छ ।
कमिटीले सो प्रतिवेदन प्रचार प्रसारका लागि सञ्चारमाध्यमलाई पनि पठाएको छ । रातोपाटीलाई प्राप्त प्रतिवेदनको आधारमा समाचार पनि प्रकाशन गरेको थियो ।
तर पार्टीले एमसीसीबारे पार्टीको धारणा भनि विभिन्न संचारमाध्यम लगायत समाजिक सञ्जालमा आएको समाचारप्रति गम्भीर ध्यानाकर्षण भएको जनाएको छ ।
आज विज्ञप्ति जारी गरी एमसीसीको बारेमा नीति तथा धारणा निर्माणमा पार्टी आन्तरिक गृहकार्य र छलफल जारी रहेको र हालसम्म पार्टीले निर्णय नगरेको जसपाले जनाएको छ ।
प्रतिवेदनकाे मुखपृष्ठ