पोखरामा ९ वर्षदेखि फरार प्रतिवादी पक्राउ
मङ्गलबार, २० असोज २०७७, १८ : ०८
पोखरा । पोखरामा ९ वर्षदेखि फरार प्रतिवादी पक्राउ परेका छन् । वैदेशिक रोजगारी केसमा ९ वर्षयता फरार पोखरा १६ अर्मला अर्मलाका ४० वर्षीय हेमप्रसाद गुरुङलाई प्रहरीले समातेको हो ।
प्रहरीका अनुसार २०६८ साउन ८ गते जिल्ला अदालत कास्कीले उनलाई २ वर्ष कैद र २ लाख रुपैयाँ जरिवाना सजाय तोकेको थियो । उनीमाथि थप अनुसन्धान अघि बढाइने गण्डकी प्रदेश प्रहरी नायब उपरिक्षक राजेन्द्रबाबु रेग्मीले जानकारी दिए ।