वीरगञ्जमा विवाद : ३२ नम्बर वडाको मतगणना स्थगित
बुधबार, ०४ असोज २०७४, १६ : ३१
पर्सा । वीरगञ्ज महानगरपालिका अन्तर्गत वडानम्बर ३२ को मतगणना रोकिएको छ । मत गणनाका क्रममा ६ वटा मतपत्र छाप नलगाएका भेटिएपछि प्रतिनिधिहरुबीच बिबाद भएर गणना रोकिएको हो ।
अहिले मतगणनास्थल ठाकुराम बहुमुखि क्याम्पसमा दलका प्रतिनिधिहरुले नारावाजी गरिहरेका छन् ।
मतगणनास्थलमा हो हल्ला र नारावाजी भएपछि नेपाल प्रहरी र सशस्त्र प्रहरीले सुरक्षा दिइरहेका छन् ।
सो वडामा जम्मा ४४७६ मतदाता रहेका थिए । ३२ वडाबाहेक अन्य वडाको भने मतगणना जारी रहेको छ ।