मन्त्रीहरुको एक वर्षको ५० प्रतिशत तलब कोरोना कोषमा हाल्ने निर्णय
सोमबार, २४ कात्तिक २०७७, २२ : ३३
काठमाडौं । सरकारले मन्त्रीहरुको यो वर्षभरिको तलबको ५० प्रतिशत तलब कोरोना कोषमा हाल्ने निर्णय गरेको छ । आज बसेको मन्त्रिपरिषद बैठकले सो निर्णय गरेको हो । बैठकले बंगलादेशसँग मल किन्ने निर्णय समेत गरेको छ ।
बंगलादेशसँग यसअघि रासायनिक मल पैंचो ल्याउने तयारी गरिएपनि त्यो सम्भव नभएपछि खरिद गरेर ल्याउने निर्णय बैठकले गरेको हो । त्यसैगरी बैठकले कोरोना भ्याक्सिन बनाउने मुलुकहरुसँग छलफल गरेर भ्याक्सिन ल्याउने प्रक्रियालाई अघि बढाउने निर्णय समेत गरेको छ ।