१ लाख १७ हजारसहित १२ जुवाडे पक्राउ
शनिबार, २९ कात्तिक २०७७, २२ : ५७
काठमाडौं । बारा प्रहरीले जुवा खेलेको आरोपमा १२ जनालाई पक्राउ गरेको छ । जिल्लाको करैयामाई गाउँपालिका १ जब्दी टोलबाट प्रहरीले १२ जनालाई पक्राउ गरेको हो ।
इलाका प्रहरी कार्यालय कोल्हबीबाट प्रहरी निरीक्षक शेखरकुमार साहको कमाण्डमा खटिएको प्रहरी टोलीले १२ जना जुवाडेसहित १ लाख १७ हजार रुपैयाँ र १६ थान कौडा समेत बरामद गरेको छ ।
पक्राउ परेकाहरुमाथि थप अनुसन्धान भैरहेको प्रहरीले जनाएको छ ।