नरिवलको पानी भिटामिन र खनिज तत्वले भरिपूर्ण हुन्छ । नरिवलको पानी पिउँदा आश्चर्यजनक स्वास्थ्य लाभ पाइन्छ । नरिवलको पानीले मुटुलाई स्वस्थ राख्न र ह्याङ्गओभर कम गर्न पनि मद्दत गर्छ ।

नरिवल पानी एक स्पष्ट तरह जो जुन हरियो नरिवलभित्र पाइन्छ । नरिवल पानीले फललाई पोषण दिन्छ जसका कारण नरिवलभित्र फलको निर्माण हुन्छ ।

नरिवल पानीका फाइदाः

नरिवलको पानीमा पोटासियम हुन्छ जुन मुटुको स्वास्थ्यका लागि महत्वपूर्ण पोषक तत्व हो । यसले रक्तचापलाई नियन्त्रणमा राख्न पनि मद्दत गर्ने विभिन्न अनुसन्धानले बताएको छ ।

शरीरलाई हाइड्रेट राख्न मद्दत गर्छः

तपाईंको शरीरलाई पानी र लवणबीच महत्वपूर्ण सन्तुलन स्थापित गर्न मद्दत गर्नका लागि इलेक्ट्रोलाइट्सको आवश्यकता हुन्छ । जब तपाईं व्यायामको क्रममा पसिना बगाउनुहुन्छ तब तपाईं शरीरबाट पानीको मात्रा मात्रै नभई सोडियम, पोटासियम र म्याग्नेसियमजस्ता इलेक्ट्रोलाइट् पनि गुमाउनुहुन्छ । डायटिशियनका अनुसार एक राम्रो वर्कआउट पछि नरिवलको पानीले शरीरमा इलेक्ट्रोलाइट्सलाई पुनर्जागृत गर्न मद्दत गर्छ ।

ह्याङ्गओभर हटाउन मद्दतः

केही मानिसहरु ह्याङ्गओभरबाट राहतका लागि स्पोर्टस् ड्रिङ्कको सहारा लिन्छन् तर नरिवलको पानी एक उत्कृष्ट विकल्प हुनसक्छ । मद्यपानले तपाईंको पेट र आन्द्रालाई अत्यधिक क्षती पुर्याउन सक्छ जसकाकारण तपाईंलाई बान्ता होला जस्तो महसुस हुन्छ र चिनी मिसाइएको पेय पदार्थले ह्याङ्गओभरलाई थप खराब गर्नसक्छ । यस्तोमा निकै थोरै मात्रै गुलियो हुने नरिवल पानीले ह्याङ्गओभरबाट राहत दिन निकै मद्दत गर्छ ।

स्वस्थ छालाका लागि उत्कृष्ट छ नरिवलको पानीः

नरिवल पानीमा एन्टिअक्सिडेन्ट हुन्छ जसले शरीरमा उमेरको लक्षणलाई नष्ट गर्न मद्दत गर्छ । यसको नियमित सेवनले छाला ढिलो चाउरी पर्छ । नरिवल पानीले छाला चम्किलो हुन्छ । यसै प्रकारले यसले शरीरलाई एक युवा रुप प्रदान गर्छ ।