सिंह उल्कावर्षाका रोचक तस्विर
आइतबार, ०७ मङ्सिर २०७७, ०० : १५
खगोलमा रुचि हुने – जानकारी राख्नेहरुका लागि खगोलीय घटनाक्रमहरु कम्ता रोमाञ्चक, रमाइलो र ज्ञानबर्धक हुँदैन ! त्यस्तै एउटा खगोलीय घटनाक्रम हो– सिंह उल्कावर्षा ।
सोही उल्कावर्षाको उच्चतम गतिविधि भएको बेला मंसिर २ गतेदेखि ५ गतेसम्म नेपाल एष्ट्रोनोमिकल सोसाईटी (नासो) को एक टीम त्यसको अध्ययन गर्न कास्कीको पुम्दीकोट तथा पोखरा पुगेका थिए । सोही अवसरमा टीमले उल्काका सुन्दर दृश्यहरुलाई क्यामेरामा समात्न सफल भएका छन् ।
सो टीमका आयोजना संयोजक मनिषा द्वाले ती दृश्यहरुलाई कैद गरेकी हुन् । उनी विगत ७ वर्षदेखि ल्याण्डस्केप एस्ट्रोफोटोग्राफी गर्दै आएकी छिन् । नासोका अध्यक्ष सुरेश भट्टराईले जानकारी दिएअनुसार, सिंह उल्कावर्षाको दृश्यलाई नासोले यसरी क्यामेरामा कैद गर्न सफलता प्राप्त गरेको पहिलो पटक हो ।