नर्सिङ लाइसेन्स परीक्षा शनिबार काठमाडौँमा मात्रै सञ्चालन हुने
बिहीबार, ११ मङ्सिर २०७७, १२ : ५६
नर्सिङ लाइसेन्स परीक्षा आगामी शनिबार हुने भएको छ । मङ्सिर १३ गते हुने दर्ता प्रमाणपत्र लाइसेन्सको परीक्षामा काठमाडौँ उपत्यकामा मात्रै परीक्षा केन्द्र सीमित हुने भएको छ । नर्सिङ लाइसेन्स परीक्षामा कोरोनाभाइरस महामारीको कारण परीक्षा फारम भर्नेको संख्या जम्मा १ हजार ३३८ जना रहेको छ ।
३ हजारदेखि ३५ सय जनासम्म परीक्षार्थी सहभागी हुने काउन्सिलले अनुमान गरे पनि कोरोना महामारीका कारण तुलनात्मक रुपमा कम रहेको नर्सिङ काउन्सिलले जनाएको छ । नर्सिङ लाइसेन्सको परीक्षा केन्द्र काठमाडौंका तीन स्थानमा परीक्षा केन्द्र राखिने भनिए पनि कहाँ भन्नेबारे नेपाल नर्सिङ काउन्सिलले खुलाएको छैन ।