कोरोना खोप लगाउँदै रुसी राष्ट्रपति पुटिन
आइतबार, १२ पुस २०७७, २३ : ०२
एजेन्सी । रुसी राष्ट्रपति भ्लादिमिर पुटिनले कोरोना भाइरसविरुद्धको खोप लगाउने तयारी गरेका छन् । विश्वभर कोरोनाको परिवर्तिक रुपको आतंक मच्चिरहेका बेला रुसी राष्ट्रपति पुटिनले कोरोना खोप लगाउने घोषणा गरेका हुन् । यही समयमा युरोपका धेरै मुलुकहरुले खोप कार्यान्वयणको प्रक्रियालाई तिव्रता दिइरहेका छन् । युरोपियन युनियनमा आवद्ध मुलुकहरुले खोप लगाउन सुरु गरिसकेका छन् ।
समाचार एजेन्सी रोयटर्सका अनुसार रुसी राष्ट्रपति पुटिनले कोरोना विरुद्धको स्पुटनिक–५ खोप लगाउने भएका हुन् । यो खोप रुसमै निर्माण गरिएको हो । यो खोप रुसको राजधानी मस्कोबाट लगाउन सुरु गरिएको थियो ।