गण्डकी प्रदेशमा थप १०५३ जनामा कोरोना संक्रमण पुष्टि
पोखरा । गण्डकी प्रदेशमा थप १०५३ जनामा कोरोना भाइरस संक्रमण पुष्टि भएको छ । गण्डकीमा पछिल्लो २४ घण्टामा २०६७ जनामा नमुना परीक्षण गर्दा थप १०५३ मा कारोना संक्रमण देखिएको प्रदेश स्वास्थ्य निर्देशनालयले जनाएको छ ।
प्रदेशका मुस्ताङ र मनाङ बाहेका ९ जिल्लामा पीसीआर र एन्टिजेन परीक्षणमा १०५३ जनामा संक्रमण पुष्टि भएको प्रदेश स्वास्थ्य निर्देशक डा.विनोदबिन्दु शर्माले जानकारी दिए । उनका अनुसार कास्कीका ३८३, तनहुँ ५४, गोरखा ९८, लमजुङ ३६, नवलपुर ७४ र स्याङजामा ३२ जना रहेका छन् ।
त्यसैगरी पर्वतमा ६५, बाग्लुङ २०४ जना र म्याग्दीमा १०७ जनामा कोरोना पुष्टि भएको छ । योसँगै गण्डकीमा कोरोना संक्रमितको संख्या ३३ हजार ११३ पुगेको छ । पछिल्लो २४ घण्टामा गण्डकीबाट एकैपटक १ हजार ३९६ जना संक्रमणमुक्त भएका छन् । योसँगै,प्रदेशमा संक्रमणमुक्त हुनेको संख्या २२ हजार ७९४ पुगेको छ ।
गण्डकीमा पछिल्लो २४ घण्टामा थप १९ जनाको मृत्यु भएको छ । योसँगै, गण्डकीमा कोरोना संक्रमणका कारण मृत्यु हुनेको संख्या ४९३ पुगेको छ ।