एक्सक्लुसिभ स्टोरी
युनिकोड
मिति रूपान्तरण
माछा मार्ने क्रममा खोलाले बगाउँदा एक युवकको मृत्यु
मङ्गलबार, १५ असार २०७८, १८ : ५८
पोखरामा माछा मार्ने क्रममा खोलाले बगाउँदा एक जनाको मृत्यु भएको छ । पोखरा–१७ काउछेघारी स्थित फुस्रे खोलामा माछा मार्ने क्रममा खोलाले बगाएर यमबहादुर गुरुङको मृत्यु भएको हो ।
स्याङ्जा बिरुवा गाउँपालिका–७ डिही घर भई हाल पोखरा महानगरपालिका–१७ हनुमान टोल बस्ने २६ वर्षीय गुरुङको खोलाले बगाएर मृत्यु भएको प्रहरीले जनाएको छ ।
गुरुङलाई खोलाले बगाएर अन्दाजी ५ सय मिटर तल पुर्याएको अवस्थामा उनको शव भेटिएको जिल्ला प्रहरी कार्यालय कास्कीका प्रवक्ता एवम् डिएसपी सुवास हमालले जानकारी दिए ।
शव पोस्टमार्टमको लागि पोखरा स्वास्थ्य विज्ञान प्रतिष्ठानमा राखिएको छ । घटनाबारे थप अनुसन्धान भइरहेको प्रवक्ता हमालले बताए ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
