एक्सक्लुसिभ स्टोरी
युनिकोड
मिति रूपान्तरण
वीपी प्रतिष्ठानमा जारी आन्दोलनप्रति प्रधानमन्त्री गैरजिम्मेवार बनेको काँग्रेसको आरोप
नेपाली काँग्रेसले धरानस्थित वीपी कोइराला स्वास्थ विज्ञान प्रतिष्ठानमा जारी आन्दोलनको समाधान गर्न प्रतिष्ठानका कूलपति रहेका प्रधानमन्त्री केपी ओली शर्मालाई आग्रह गरेको छ । प्रतिष्ठानमा विभिन्न माग प्रस्तुत गरेर चिकित्सक, विद्यार्थी र कर्मचारीले जारी राखेको आन्दोलन एक महिना पुग्न लाग्दा पनि प्रतिष्ठानका कुलपति प्रधानमन्त्रीले विषयलाई गम्भीरतापूर्वक लिएर समाधान पहल नगरेकोमा काँग्रेस गम्भीर चिन्ता व्यक्त गरेको छ ।
पार्टी प्रवक्ता विश्वप्रकाश शर्माद्वारा जारी विज्ञप्तिमा भनिएको छ, ‘प्रतिष्ठानको कुलपति हुनुको गहन दायित्व र कर्तव्य निर्वाह नगरेर मौन, निरपेक्ष या भूमिका शुन्य बस्नु भनेको आफ्नो जिम्मेवारीप्रतिको चरम गैर जिम्मेवारी हो । कोभिड महामारी चलिरहेको बेला स्वास्थ प्रतिष्ठानमा लामो समय द्वन्द्व कायम रहँदा त्यसले समग्र प्रतिष्ठान र नागरिक समेतलाई गम्भीर असर पुग्दछ र पुगिरहेको छ भन्ने हेक्का कुलपतिलाई नहुनु दुःखद छ ।’
प्रतिष्ठान भित्र अनेकन बेथिति र अराजकता रहेकोे विवरण पटक–पटक सार्वजनिक भएको बताउँदै काँग्रेसले त्यसको ढाकछोप नभएर आवश्यक उपचार जरुरी रहेको बताएको छ । ‘प्रतिष्ठानको प्रतिष्ठा र भविष्यका लागि अहोरात्र कार्य गरिरहेकाहरुको भावनामा चोट पुर्याएर केवल भौतिक संरचनामा संस्थाको भविष्य सुरक्षित गर्न सकिन्न,’ विज्ञप्तिमा भनिएको छ, ‘अतः आन्दोलनमा सरिक चिकित्सक, कर्मचारी र विद्यार्थीहरूसँग सार्थक संवादमार्फत् जायज माग अविलम्ब सम्बोधन गरेर प्रतिष्ठानभित्र सहज वातावरण निर्माण गर्न नेपाली काँग्रेस कुलपति प्रधानमन्त्रीसँग माग गर्दछ ।’
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
