मकवानपुरमा कोरोना संक्रमणबाट थप २ जनाको मृत्यु
बुधबार, २७ साउन २०७८, १७ : ०१
पछिल्लो २४ घण्टामा थप २ जना कोरोना संक्रमितको मृत्यु भएको छ । मृत्यु हुनेमा हेटौंडा उपमहानगरपालिका वडा नम्वर–७ निवासी ७० वर्षीय वृद्ध र भीमफेदी गाउँपालिका वडा नम्बर–१ निवासी ६१ वर्षीय पुरुष रहेको जिल्ला स्वास्थ्य कार्यालय मकवानपुरले जनाएको छ ।
हेटौंडा–७ निवासी बृद्ध गत साउन १९ गते कोरोना संक्रमण पुष्टि भइ साउन २० गते उपचारको लागि हेटौंडा अस्पतालमा भर्ना भएका थिए, उनको मंगलवार उपचारको क्रममा मृत्यु भएको हो ।
त्यस्तै, भीमफेदी गाउँपालिका वडा नम्वर १ निवासी ६१ वर्षीय पुरुष मा गत साउन ९ गते कोरोना पुष्टि भई साउन १० गते उपचारको लागि हेटौंडा अस्पतालमा भर्ना भएका थिए । उनको आज बिहान उपचारको क्रममा मृत्यु भएको हो । यससँगै मकवानपुरमा कोरोना संक्रमणबाट मृत्यु हुनेको संख्या १ सय ५२ पुगेको छ ।