गोबिन्दालाई भेटेर सँगै खाना खान पाउने अवसर भन्दै समाचार आएपछि अभिनेताले दिए प्रशंसकलाई चेतावनी
बलिउड सेलिब्रिटीका प्रशंसक सधैं आफ्ना मनपरेको कलाकारको झलक पाउनका लागि लालायित हुन्छन् । यद्यपि, थुप्रै पटक यस्तो इच्छाको गलत फाइदा पनि उठाइन्छ । हालै, यस्तै मामिला लखनउमा देखिएको छ जहाँ एक व्यापारिक आयोजनमा केही मानिसहरुले गोबिन्दालाई भेटाउने झुटो बचन दिइरहेका छन् । पोस्टर सार्वजनिक भएपछि गोबिन्दा आफैंले प्रशंसकलाई चेतावनी दिएका छन् ।
हालै आफ्नो सोसल मिडिया अकाउन्टबाट एउटा स्टोरी सेयर गरेका छन् जसमा उनले एक नक्कली पोस्टर सेयर गरेका छन् । यो एक बिजनेस आयोजना अवार्डको पोस्टर हो जसमा लेखिएको छ, ‘गोबिन्दा जीसँग भेट्ने सुनौलो मौका । टिकट बुक गरेर आयोजनामा पुग्नेहरुलाई गोबिन्दासँग खान खाने मौका दिइनेछ ।’
गोबिन्दाले यो पोस्टर सेयर गर्दै लेखेका छन्, ‘यो गलत समाचार हो ।’
स्मरण रहोस्., गोबिन्दा आजकाल आफ्नो गीत टिप पिट पानी बरसा गीतको प्रोमोसनमा व्यस्त छन् । हालै अभिनेता ‘द कपिल शर्मा शो’ र ‘द बिग पिक्चर’ मा पुगेका थिए ।