मतदाता फकाउने शैली : नमस्कारदेखि सेल्फीसम्म (तस्बिरहरु)
नेपाली काँग्रेसको १४ औँ महाधिवेशनमा चुनावको सरगर्मी पुरै छाएको छ । उम्मेदवारी दर्ता सम्पन्न भएसँगै नयाँ नेतृत्व चयनका लागि सोमबार मतदान हुँदैछ ।
मतदानको पूर्वसन्ध्या महाधिवेशन स्थल भृकुटीमण्डप क्षेत्र भीडभाड छ । एकातिर मतदान स्थल निर्माणको काम धमाधम भइरहेको छ भने कार्यकर्ताहरु उम्मेदवार बनेका आफ्ना नेताहरुको प्रचारप्रसारमा व्यस्त छन् । उम्मेदवारहरू पनि मतदातालाई रिझाउन प्रतिनिधिहरूसँग हात जोड्दै हिँडिरहेका छन् । देशका विभिन्न भागबाट आएका प्रतिनिधिहरू पनि आफ्ना नेताहरुसँग सेल्फी खिच्न पाएर दंग छन् ।
१४ औँ महाधिवेशनमा सभापति शेरबहादुर देउवा र शशांक कोइराला प्यानल नै बनाएर केन्द्रीय नेतृत्वको दौडमा छन् । उनीहरुसँगै विमलेन्द्र निधि, प्रकाशमानसिंह र कल्याण गुरुङले पनि सभापति पदमा दाबेदारी प्रस्तुत गरेका छन् । १३४ वटा विभिन्न पदका लागि हुने निर्वाचनमा उम्मेदवारी दर्ता गराएका नेताहरुले यतिबेला आ–आफ्नो प्रचारप्रसारलाई तीव्र बनाएका छन् । हेरौँ तस्बिरहरु