‘के छ खबर’ मा सागर र उषाको रोमान्स
आइतबार, ०४ पुस २०७८, १२ : ०६
पहिलो नेपाल आइडल बुद्ध लामा र गायिका सुनिता कार्कीको स्वर रहेको गीत ‘के छ खबर’ सार्वजनिक भएको छ । गीतमा हीराकाजी थापाको शब्द तथा नागेन्द्र श्रेष्ठ संगीत छ ।
गीतको म्युजिक भिडियो गीतकार थापा आफैंले निर्देशन गरेका छन् । जसमा मोडल उषा उप्रेती र सागर खनालको अभिनय देख्न सकिन्छ । लामो समयदेखि एक अर्काको प्रेममा रहेका एक जोडीको रोमाञ्चित प्रेम कहानी भिडियोमा देखाउन खोजिएको छ ।
राहुल प्रधानको संगीत संयोजन र प्रमोद भण्डारीको कोरियोग्राफी रहेको गीतको भिडियोको सागर प्रधानले छायाङ्कन र अनिल राना मगरको सम्पादन छ ।