२६ एसएसपीको सरूवा, को कहाँ ? (सूचीसहित)
शुक्रबार, २३ पुस २०७८, ०७ : ३९
प्रहरी प्रधान कार्यालय नक्सालले नेपाल प्रहरीका २६ जना वरिष्ठ उपरीक्षक (एसएसपी) को सरुवा गरेको छ । बुधबार २६ एसएसपीहरुको सरुवा भएको हो ।
प्रहरी प्रधान कार्यालय नक्सालले सार्वजनिक गरेको सूचीअनुसार प्रहरी प्रधान कार्यालय अपराध अनुसन्धान विभागका एसएसपी उमेश राज जोशी काठमाडौं उपत्यका ट्राफिक प्रहरी कार्यालय रामशाह पथमा सरुवा भएका छन् ।
यसैगरी, प्रहरी महानिरीक्षकको सचिवालयका एसएसपी वसन्त कुँवर महानगरीय अपराध महाशाखामा सरुवा भएका छन् ।
यस्तै महानगरीय प्रहरी कार्यालय महिला तथा बालबालिका जेष्ठ नागरिक महाशाखाका भीम प्रसाद ढकाल अन्तराष्ट्रिय विमानस्थल सुरक्षा कार्यालयमा सरुवा भएका छन् ।
यस्तै प्रदेश प्रहरी कार्यालय बनेपाका एसएसपी श्यामलाल ज्ञवाली नेपाल प्रहरी विपद् व्यवस्थापन कार्यालय समाखुशी सरुवा भएका छन् ।