कविता : देख्छु सबै खुशी कति
शनिबार, २२ माघ २०७८, ०७ : १७
देख्छु सबै खुशी कति
हुन्छु म मात्र किन दुःखी ?
छ मसँग चाहिने सबै भौतिक सुख, सम्पत्ति
तर छैन मनमा चैन, न त शान्ति
देख्छु सडक पेटीमै सुतेका हुन्छन् मस्तसँग
न हुन्छ ओढ्ने, न त हुन्छ ओछ्याउने नै
धर्ती छ ओछ्याउने, अनि आकाश छ ओढ्ने
न गाँसको ठेगान छ, न त बासकै
न छ उसको अघि, न छ कोही पछि नै
तर पनि देख्छु, सधैं कति खुशी ?
आखिर भौतिक सुख भन्दा त,
चाहिंदो रहेछ मनको शान्ति नै ।
भौतिक सुख त किन्न सकिन्छ पैसाले
तर किन्न सकिंदो रहेनछ, मनको शान्ति
भौतिक सुख त खोसेर लिन सकिन्छ कसैबाट
तर खोसेर लिन सकिदो रहेनछ
मनको शान्ति कसैबाट ।
महशुस गर्नुपर्दो रहेछ,
मनको शान्ति अन्तस्करणले नै ।
बनाउँछ मानिसलाई सुखी र सन्तुष्टी,
मनको शान्तिले गर्दा नै ।