ओलीले भने–रामराज्यमा वाईफाई फ्री थियो र ?
शुक्रबार, २७ फागुन २०७८, १४ : ०५
१
एमाले अध्यक्ष केपी शर्मा ओलीले राम राज्य आहा थियो भनिनु बेकार भएको बताएका छन् । राम राज्य आहा थियो भने के त्यहाँ इन्टरनेट थियो र भन्दै तर्क गरे । उनले अहिलेको अवस्थालाई सही ढंगले अघि बढाउनुपर्ने आवश्यकता औँल्याउँदै सत्य युग र राम राज्य आहा थियो भनेर भ्रम पाल्न नहुने बताए ।
बिहीबार प्रेस चौतारी नेपालको नवौं राष्ट्रिय सम्मेलनलाई पोखरामा सम्बोधन गर्दै ओलीले भने, ‘भ्रम के पाल्नु हुन्न भने सत्य युग भन्ने आहा थियो । राम राज्य आहा थियो । त्यहाँ के थियो ? त्यहाँ इन्टरनेट फ्रि गरिदिएको थियो ?’
उनले पूर्वजहरुले मानवसभ्यताको विकासका लागि धेरै खोज, अध्ययन र चिन्तन मनन गरेको भन्दै त्यसमा भने अहिले पनि पाठ सिक्नुपर्नेमा जोड दिए ।