मोटरसाइकल कम्पनी रोयल इनफिल्डको नेपालका लागि आधिकारिक बिक्रेता त्रिवेणी समूह अन्तर्गत “अल्फा अटोमोटिभ प्रालि” नियुक्त भएको छ । त्रिवेणी समूहले उत्पादन, कृषि, ट्रेडिङ, बैंकिङ, इन्स्योरेन्स, उर्जा, रिटेल, मनोरञ्जन, पर्यटन लगायतका क्षेत्रमा लगानी गर्दै आएको छ । 

अल्फा अटोमोटिभले भने रोयल इनफिल्डको दुईपांग्रे सवारी साधनबाट नेपाल भरी आफ्नो बजार विस्तार एवम् सफल व्यवस्थापन गर्ने लक्ष्य लिएको छ ।  रोयल इनफिल्ड मोटरसाइकल नेपाली युवा पुस्तामाझ लोकप्रिय रहँदै आएको छ ।

अल्फा अटोमोटिभले नेपाली बजारमा रोयल इनफिल्डका क्लासिक ३५०, इलेक्ट्रा, सिग्नल्स, मेटीयुर, हिमालयन, कन्टिनेन्टल जिटी र इन्टरसेप्टर लगायतका मोडलहरु बिक्रि वितरण गर्ने विज्ञप्तिमा जनाइएको छ ।