पर्सामा दुईवटा मोटरसाइकल ठोक्किँदा दुवै चालकको मृत्यु
बिहीबार, १७ चैत २०७८, १७ : २८
पर्साको पोखरिया नगरपालिका–३ मा बिहीबार दुईवटा मोटरसाइकल ठोक्किदा दुबै चालकको मृत्यु भएको छ । दुर्घटनामा दुई जना घाइते भएका छन् । प्रहरीका अनुसार ना ३ प १०२६ र प्रदेश २ ०३ ००४ प ७४७६ नम्बरको मोटरसाइकल बिहीबार बिहान सवा १० बजे ठोकिएका थिए ।
दुर्घटनामा परी मोटरसाइकल चालकहरू धोवीनी गाउँपालिका–२ गुलरियाका ३५ वर्षिय ललनप्रसाद कुर्मी र सखुवाप्रसौनी गाउँपालिका–५ बस्ने २९ वर्षिय हसिन्द्र सहनीको घटनास्थलमै मृत्यु भएको हो । दुर्घटनामा घाइते भएका दुई जनाको वीरगन्ज स्थित न्युरो अस्पतालमा उपचार भइरहेको छ ।